-సిఐ కరుణాకర్కు ఘన సన్మానం…
– అంబేడ్కర్ యువజన సంఘం హర్షం..
హుజురాబాద్/ జనవరి 24 (మా అక్షరం):హుజురాబాద్ టౌన్ సర్కిల్ ఇన్స్పెక్టర్ (సిఐ) కరుణాకర్ ఇటీవల ప్రతిష్టాత్మకమైన ‘పోలీసు ప్రతిభా పురస్కారాన్ని’ అందుకోవడం పట్ల పట్టణంలో హర్షాతిరేకాలు వ్యక్తమవుతున్నాయి. శనివారం హుజురాబాద్ పోలీస్ స్టేషన్లో తెలంగాణ అంబేడ్కర్ యువజన సంఘం నాయకులు సిఐని కలిసి ఘనంగా సత్కరించారు.
తెలంగాణ అంబేడ్కర్ యువజన సంఘం నాయకులు మాడుగుల ఓదెలు ఆధ్వర్యంలో జరిగిన ఈ కార్యక్రమంలో సిఐ కరుణాకర్కు శాలువా కప్పి, జ్ఞాపికను అందజేశారు. ఈ సందర్భంగా మాడుగుల ఓదెలు మాట్లాడుతూ.. సిఐ కరుణాకర్ తన విధి నిర్వహణలో ప్రదర్శిస్తున్న అంకితభావం, శాంతిభద్రతల పరిరక్షణలో ఆయన తీసుకుంటున్న చొరవ అభినందనీయమన్నారు. ఆయనకు ఈ పురస్కారం దక్కడం హుజురాబాద్ పట్టణానికి గర్వకారణమని కొనియాడారు.
పురస్కారం అందుకున్న సిఐని సత్కరించడం ద్వారా తమ సంఘం గర్విస్తోందని, భవిష్యత్తులో ఆయన మరిన్ని ఉన్నత శిఖరాలను అధిరోహించాలని నాయకులు ఆకాంక్షించారు.ఈ కార్యక్రమంలో అంబేడ్కర్ యువజన సంఘం ప్రతినిధులుతొగరు బిక్షపతి,సంజీవ్,మొలుగూరి ప్రభాకర్,శ్రీనివాస్, సభ్యులు పాల్గొని సిఐకి శుభాకాంక్షలు తెలియజేశారు.
