రాంపూర్ సర్పంచ్ రేసులో ముషం సంగీత

-రాంపూర్ సర్పంచ్ రేసులో ముషం సంగీత…
– పలు అభివృద్ధి పథకాలకు హామీ….

హుజురాబాద్/ డిసెంబర్ 12 (మా అక్షరం): రాంపూర్ గ్రామ సర్పంచ్ అభ్యర్థిగా పోటీ చేస్తున్న ముషం సంగీత గట్టి పోటీకి సిద్ధమయ్యారు. గ్రామంలో ప్రతి ఇంటిని సందర్శిస్తూ ప్రచారాన్ని వేగవంతం చేస్తూ ప్రజల మద్దతు ను సమీకరిస్తున్నారు. బ్యాలెట్‌ పేపరులో నాలుగవ నంబర్‌గా ఉన్న ఫుట్‌బాల్ గుర్తుకు తన విజయాన్ని బలపరచాలని ఆమె ఓటర్లను కోరుతున్నారు.గ్రామ అభివృద్ధే పరమ లక్ష్యమని స్పష్టం చేసిన సంగీత, “పురోగతి పథంలో రాంపూర్‌ను నిలబెట్టడం నా కర్తవ్యం” అని ప్రకటించారు. గ్రామంలో ఎక్కడైనా కనిపించే సిసి రోడ్ల లోపాలు, మురికికాలువల సమస్యలు వంటి అంశాలను శీఘ్రం గా పరిష్కరిస్తానని హామీ ఇచ్చారు.గ్రామస్తులకు తీవ్ర ఇబ్బందిగా మారిన కోతుల బెడదను పూర్తిగా అరికట్టి గ్రామాన్ని కోతుల సమస్యల నుండి విముక్తం చేస్తానని ఆమె తెలిపారు. గ్రామ శాంతి–భద్రత, పరిశుభ్రతపై ప్రత్యేక దృష్టి సారిస్తానని పేర్కొన్నారు.ప్రజల అంచనాలను నెరవేర్చగల నాయకత్వం ముషం సంగీతదేనని భావిస్తున్న గ్రామ యువత, మహిళలు ఆమె ప్రచారానికి విశేష స్పందన ఇస్తున్నారు.